«Шэрлак-малодшы. Мядзведзь у Лондане» - сучасны дзіцячы дэтэктыў папулярнага нямецкага аўтара Ціла, які напісаў для дзяцей больш за 350 кніг, сярод якіх Шэрлак-малодшы з'яўляецца адной з самых чытэльных у свеце. Інсцэніроўку матэрыялу рабіў вядомы беларускі драматург Дзмітрый Багаслаўскі.

У сучасным Лондане жыве прапрапраўнук знакамітага Шэрлака Холмса, і ён разам са сваім сябрам Вальтэрам, якога ён кліча Ватсанам, адкрывае дэтэктыўнае агенцтва. Іх першая справа - крадзеж каштоўнасці.
Сярод белага дня прама ў парку ў лэдзі Велінгтан выкрадзена фамільнае кальцо. Яна ўпэўнена, што гэта зрабіў Мядзведзь, бо ў парку яна адчувала ягоны пах. Сышчыкі праводзяць расследаванне і нават становяцца прынадай, каб злавіць злачынца на жыўца (пераапранаюцца ў гарнітуры бабуль і носяць сапраўды такое ж кальцо як было ў ледзі Велінгтан, толькі бутафорскае). У выніку высвятляецца, што гэтае злачынства было здзейснена зусім не Мядзведзем... Справа раскрытая і злачынец схоплены.